早前亦有提及過，由 Cairns 地區出發到大堡礁的，包括了離 Cairns 約一小時車程的小鎮 Port Douglas。由此出發的船公司不過十間，大部分都係前往 Agincourt Ribbon Reef。由於需要另坐一個小時車再坐船出海方可到達，所以不多旅客由 Port Douglas 出船，因此海洋生態的保育亦較佳。除了唯一在
Port Douglas 有海上平台的 Quicksilver，還有同屬 Quicksilver 集團的 SilverSonic。有別於早前介紹過的船公司，SilverSonic並非以海上平台或島嶼為目的地，而是一日到三個不同的潛點。雖然大家要一整天待在船上，但一日轉換三次潛點，共超過 5 小時的浮潛時間，就十分適合浮潛及深潛愛好者！
價錢：220AUD / Adult，156AUD / Child
包括浮潛用具及救生衣， 水母衣，Morning Tea，Hot and Cold Buffet Lunch，及 Guided Snorkel
Tour。
Cairns City 內酒店來回接送另加
24AUD / Adult，22AUD / Child。
到 SilverSonic 絕對能夠考驗大家對海洋既熱愛！因為 SilverSonic 會於早上 08:30 起航，一小時的車程加上到達 Port Douglas 後 Check-in 的時間，所以於 Cairns 市內酒店的接送由 06:30 開始，試想想大家要幾點起身！雖然大家可以在車上休息一下，但係由 Cairns 到 Port Douglas 的路段絕對係可以比美Victoria 的 Great Ocean Road！之途中更有機會見到草地上大量的 Wallabies！真係好值得大家欣賞架！
坐了近一個小時，終於到達 Port Douglas，是一個與 Cairns 截然不同的小鎮。鎮上旅客相對上少得多，店鋪亦不多，整個小鎮的感覺亦十分輕鬆緩慢，難怪大家都話 Port Douglas 係當地人在週末的好去處。
在小小的Terminal Check-in 完之後就可以登船啦！前面白色的就係 SilverSonic，大約可以坐90人，乘客最多都不會多於 85人。後面銀色大大隻的就係 Quicksilver，去全 Cairns地區內最大的海上平台，可以坐成300人架！
SilverSonic 及Cairns 的姐妹船SilverSwift乃全 Cairns 最快的船，雖然大家的目的地都離陸地較遠，但由開船到第一個潛點一般需時只約80 - 90 分鐘。由於船本身比較細，所以航行時起伏較大，但SilverSonic 及SilverSwift 均有全 Cairns 地區唯一的 Computerized ride control system，自動調整方向及速度，將航行其間的起伏解之最低，但對於容易暈船的朋友，還是盡量找一日較風平浪靚的日子出發，及預先服用暈浪藥！
Agincourt Ribbon Reef出名在離Continental Shelf 較近，所以一般而言水質較佳及海洋生物多樣化。天朗氣清，水質好到不得了！筆者去過數次，平均能見度都有15-20米，絕對唔係講笑！所以除了基本船票包含的浮潛之外，亦有不少朋友特地來參加
Introductory Diving及Certified Diving。
1.
Snorkelling
價錢：基本船票已包括基本浮潛用具及一個為時約25分鐘的 Guided Snorkel Tour
浮潛評分：★★★★★
由於水質較佳，珊瑚仍生長得十分茂密，就算是浮潛都十分容易見到Nemo 及 Giant Clams 等！而Reef Sharks及Turtles呢個種大堡礁明星，基本上每日都見到最少一種！大家由船尾出發，剛開始一般水深約6-8米，游數分鐘就見到生長到離水面只有1-2米的珊瑚礁！所以大家浮潛時記得小心唔好傷害到珊瑚！！
另外，雖然船上都有救生員當值，不過由於潛點不似平台上有劃分範圍，所以建議大家浮潛時亦不時回望自己與船的距離，量力而為。
還記得第一次到SilverSonic，第一個潛點，筆者係船上第一個落水浮潛的客人，一落去就見到 Black Tip Reef Shark 在面前游過！差點就趕不及影相！可以見到潛點的地形，由較深水的沙地到離水面只有一米的珊瑚礁！
珊瑚長得密密麻麻！
超過一米長的 Giant Clams 就在水下約3米！絕對清晰可見！
雖然船票內已包含了一個 Guided Snorkel Tour，一般會安排於當日第三個潛點進行，不過由於筆者每次都去了深潛，所以就算去過SilverSonic數次都未有參加… 但大家如果想認識多一點大堡礁的生態及各種海洋生物的特色，不妨跟教練一齊去！有時仲機會可以親身感受到部分海洋生物架！
2.
Introductory Diving
價錢：65AUD / Dive，120AUD / 2 Dives。All gear included
Introductory Diving評分：★★★★★
只需65AUD就可以參加
Introductory Diving，價錢係少於海上平台或Green Island 的半價！當然，價錢的差異是有原因的啦！相比起 Green Island 上在泳池，或海上平台上的專用淺水平台練習安全技巧，於SilverSonic的體驗潛水參加者需要跳到約6 – 8米深的海中，於離水面約1-2米深的地方，單手捉住綁住繫船繩，另外一隻手做安全技巧，遇著風高浪急或不暗水性的朋友，就會比較困難啦！但潛點絕對係一流！另外一個有別平台及 Green Island的體驗潛水之處是，不似後者需要與教練手臂繫住手臂組成人鏈咁潛水，SilverSonic的教練較放心放手等你自己游，感受真正既潛水感覺，不過當然都要睇下大家是否夠放鬆及控制得如何啦！
20米的能見度加上不時見到鯊魚及海龜，又可以同Nemo
影相！( 但照片係需要另外買的～) 而如果大家參加第二次Introductory diving 仲可以自己帶相機落水影相！
大家要捉住綁在船隻及海底的巨型混凝土塊之間以穩定船身的繫船繩，浮在水中練習安全技巧，絕對不容易！
可以話到處都是Nemo！能見度一流，加上陽光充足，隨便影都十分靚！
教練 Mickey，評估過大家的控制能力後就會放手等大家自己游，還未熟習的朋友就會輕輕拖住手帶大家潛水，盡量給予大家多一點的自由度，令大家更能感受潛水樂趣！
在SilverSonic 參加體驗潛水，除了價錢吸引外，仲可以在一流的潛點進行，絕對係畢生難忘的回憶！唯一令筆者有保留的就是練習安全技巧的方法，風浪大的時候對初學者而言絕對不容易，所以還是較適合較熟水性，或之前有試過體驗潛水的朋友，及建議大家揀日風速少於15 knots 的日子才去。但綜觀各種因素，筆者仍會給予５★！
3.
Certified Diving
價錢：45AUD / Dive，20AUD / 2nd
Dive，15AUD / 3rd Dive。All gear included。
Certified Diving評分：★★★★★
價錢超平！潛足三支都只需80AUD！絕對係OMG！！潛點方面當然都十分出色，但由於筆者只潛過數次，仲要次次都無帶相機… 實在抱歉… 不過筆者相信其質素應與 SilverSwift相近！所以大家可以參考：
Cairns – SilverSwift – 最完美 Day Trip！
還記得筆者在12月至1 月其間有去過SilverSonic潛水，當時正值 Cuttlefish 的產卵季節，除了見到數對Cuttlefish夫婦之外，見有幸近距離目睹Cuttlefish 產卵的過程，見證住慢慢排出貌似乒乓球的卵！而Cuttlefish媽媽排卵時一路望住筆者，不時變色，十分神奇！
SilverSonic 有22個不同的潛點，船長會按照當日天氣及水質前往其中3個！網站上更有各個潛點的介紹，十分強勢！
總括而言，SilverSonic十分適合喜歡海洋世界的浮潛及深潛愛好者，一日三個潛點的確只有SilverSonic 及SilverSwift可以做到。但由於船身較細，15-20knots 的風速已經令不少客人暈船作嘔，所以還是建議盡量在天氣較好的日子出發。
另外，其實SilverSonic 與其姐妹船SilverSwift 性質十分相近，潛點亦未見到太大分別，所以與其多加來回兩小時的車程，還是建議大家選擇由 Cairns 出發的 SilverSwift，如果已經訂滿則可考慮SliverSonic作後備，不建議由 SilverSwift訂滿而改到海上平台或其他島嶼，因為潛點質素方面實在有差距…
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
既然講到咁… 點解筆者仲會咁推介Sonic？注意啦！！！Sonic 係極少數得到有關當局批准客人可以同鯨魚一齊 Snorkel 既船公司！！！話說為左保護在Whale Season ( June – Sept ) 路過 Cairns 的 Minke Whales 及 Humpback Whales，一般的船都要與鯨魚保持約20M的距離，但Sonic 的客人就可以與鯨魚在數米之內一齊浮潛！絕對係難以想像的震撼！！所以，識玩，一定要 Whale Season 去Sonic！
詳情可參考：
本網誌純粹為個人經驗分享，供各位朋友參考，並不用作任何宣傳。
沒有留言:
張貼留言